Мбаппе масаласида етти ўлчаб, бир кесамиз!

​“Қироллик клуби” мутасаддилари келаси йил ёзда Килиан Мбаппени трансфер қилиш бўйича стратегия устида бош қотирмоқда.

Бунгача бир неча маротаба франциялик юлдузни олишга уриниб кўрган мадридликлар энди бошқача йўл тутмоқчи.

“Реал” бир неча ой давомида Мбаппе трансфери бўйича ҳеч қандай ҳаракатларни амалга оширмайди. Бу жараёнда улар ушбу трансфернинг зарурати қанчалик долзарб эканини таҳлил қилиш билан шуғулланади, деб ёзди Marca нашри.

Маълумки, Килиан Мбаппенинг ПСЖ билан ҳамкорлиги келаси ёз тугайди. Парижликлар футболчи бепул қўлдан чиқмаслиги учун унга қисқа муддатли шартнома бериб, келишувга ёзда маълум бир сумма эвазига трансфер қилиш имкониятини қўшмоқчи.