Мбаппе: "Мен Роналдудан кўпроқ гол урсам ҳам улардан яхшироқ бўла олмайман"

"Реал Мадрид" ҳужумчиси Килиан Мбаппе "Вильярреал"га қарши мағлубиятдан сўнг ўйин ва чарчоқ аломатлари ҳақида ўз фикрини билдириб ўтди. 

"Бу жуда муҳим ўйин бўлди. "Вильярреал" жиддий рақиб ва турнир жадвалида юқорида жойлашган. "Атлетико"га қарши учрашувдан кейин ғалаба қозонишимиз шарт эди. Жамоа характер ва ғалабага бўлган иштиёқни кўрсатди. 

Ҳамма "Атлетико"га қарши баҳс қандай ўтганини кўрди – бу жуда оғир ўйин бўлди. Икки кундан кейин яна майдонга тушиш қийин, лекин биз клуб нишонини ҳурмат қилишимиз ва бор кучимизни беришимиз керак. 

Менинг 31 та голим бор – бу Криштианунинг "Реал"даги илк мавсумидан битта кам (33). 

Лекин бу шунчаки рақамлар. Агар мен Криштиану ва Роналдодан кўпроқ гол урсам ҳам, бу мени улардан яхшироқ футболчилигимни англатмайди. Муҳими – жамоавий совринлар. Голлар фақат биз Ла Лига, Испания кубоги ва Чемпионлар лигасини ютганимиздагина аҳамият касб этади" - дея таъриф бериб ўтди франциялик ҳужумчи. 

Маълумот ўрнида, Килиан жорий мавсум "қироллик клуби" сафида 43 та учрашувда майдонга тушиб, 30 та гол ва 4 та голли узатмага муаллифлик қилган.