Мбаппе Мессининг рекордини янгилади

Чемпионлар лигаси гуруҳ босқичи 1-тури доирасидаги “Ювентус”га (2:1) қарши ўйинда дубль қайд этган ПСЖ ҳужумчиси Килиан Мбаппе навбатдаги рекордни ўрнатди.

Ҳозиргача Мбаппе асосий еврокубок турнирида 35 та гол урган. УЕФА матбуот хизмати маълумотларига кўра, у 23 ёш-у 260 кунлигида бу натижага эришган энг ёш футболчига айланди.

Мазкур рекорд Мбаппенинг ҳозирги жамоадоши Лионель Месси томонидан аввалроқ ўрнатилган эди. Лео 23 ёш-у 307 кунлигида Чемпионлар лигасида ўзининг 35-голини урган эди.

Эслатиб ўтамиз, Мбаппе кечаги ПСЖ – “Ювентус” учрашувининг энг яхши футболчиси деб топилганди.