Мбаппе “Ньюкасл”га ўтади

Франция терма жамоаси сафида 1998 йили жаҳон чемпиони бўлган Эммануэль Пети ПСЖ ҳужумчиси Килиан Мбаппе “Ньюкасл”га ўтишига ишонмоқда.

- Ҳар нима бўлиши мумкин. “Ньюкасл”да қандай ўзгаришлар юз берганини биламиз. Улар Мбаппега харидор. Ҳаммаси қандай ривожланишини олдиндан билиб бўлмайди. Бу тез ва осон рўй бериши мумкин.

Мбаппени “Реал”га ўтади, дейишяпти. Ҳақиқатан, Килиан болалигидан юлдуз ўйинчилар ва буюк тарихга эга катта клубларда ўйнашни орзу қилади. У ПСЖдаги муҳитдан чарчаган. Клубда ва терма жамоада айрим жамоадошлари билан тортишиб қолганини биламиз. Бу унинг кайфияти билан боғлиқ.

“Реал” унга Франциядан чарчагани учунгина қизиқ кўринмоқда. Уни  Парижда Месси ёки Неймардек қадрлашмаяпти.  Месси “Барса”да қирол эди. ПСЖнинг қироли Мбаппе, Месси ҳам, Неймар ҳам эмас, - деди Эммануэль Пети.

Матнда хатолик топсангиз, ўша хатони белгилаб, бизга жўнатинг (Ctrl + Enter)

Комментарии

Для написания комментариев пройдите авторизацию