Мбаппе онасининг гапига кирмаяпти

Килиан Мбаппенинг онаси ўғлига ПСЖ билан шартнома имзолашни тавсия қилмоқда. Бу ҳақда "Marca" нашри хабар берди. 

Файза Ламарига парижликлар таклиф қилган шартнома ёққан ва у ўз ўғлини Парижда қолишга кўндирмоқчи. У бир неча бор ҳужумчига клуб ва француз футболига миннатдорчилик белгиси сифатида ПСЖ билан шартномани узайтиришни тавсия қилган. 

Бундан ташқари, Мбаппенинг онаси жамоа спорт директори Леонардо ва клуб президенти Нассер Аль-Хелаифи билан яхши муносабатда. Бироқ Килианнинг ўзи ҳамон фикридан қайтгани йўқ. У "Реал"га ўтишни хоҳлайди.