Мбаппе ўрнини 200 миллион евролик ҳужумчи эгаллайди
ПСЖ раҳбарияти ёзда “Реал” сафига ўтиб кетиши кутилаётган Килиан Мбаппе ўрнини боса оладиган ҳужумчи топди.
El Debate нашрининг маълум қилишича, парижликлар “Реал” ҳужумчиси Винисиус Жуниор учун мадридликларга 200 миллион евро тўлашга тайёр.
Бразилиялик форварднинг ўзи бир неча бор агар жамоага Мбаппе келадиган бўлса, клубни тарк этиши мумкинлигини айтган. Чунки Винисиус ўзи ўйнаётган жамоанинг асосий юлдузи бўлишни истайди. Мбаппе келганидан кейин бор эътибор франциялик тўпурарга қаратилиши ҳозирдан маълум.
Парижликлар катта сумма тикаётганига қарамай, Винисиусни олиш осон бўлмайди. Айни пайтда бу юлдузга Англиянинг бир неча грандлари – “Ливерпуль”, “Арсенал”, “Манчестер Юнайтед”, Челси” каби клублар кўз тикмоқда.
Фикрлар