Мбаппе ПСЖ хўжайини билан жанжаллашди

Франция чемпионатининг 33-турида ПСЖ ўз майдонида “Тулуза”га 1:3 ҳисобида ютқаўиб қўйди.

Бироқ воқеаларнинг кульминацион нуқтаси ушбу учрашув бошланишидан олдин юз берди. Le Parisien нашрининг ёзилишича, ўйиндан олдин Килиан Мбаппе ва клуб президенти Нассер Ал-Хелаифий билан жанжаллашди.

Можаронинг келиб чиқишига Ал-Хелаифий Килиан билан учрашиб, нега хайрлашув видеосида атайин унинг номини тилга олмаганида изоҳ сўрайди.

Оқибатда ўртада жанжал ва бақир-чақирлар юз бергани ҳақида маълумотлар тарқатилмоқда.

Килиан Мбаппе 2017 йилдан бери парижликлар шарафини ҳимоя қилмоқда. Клуб тарихида энг кўп гол уришга эришган 25 ёшли ҳужумчи ПСЖ билан ҳамкорликни узайтиришни истамади ва ёзда пойтахтни тарк этиши аниқ бўлиб улгурган.