Мбаппе ПСЖдан кетяптими?
Матбуот анчадан бери Килиан Мбаппенинг ПСЖдан кетиши ҳақидаги маълумотларни тарқатиб келади.
ПСЖ хўжайини Нассер Ал-Хелаифий бу мавзуга нуқта қўйиш мақсадида франциялик юлдуз фаолияти бўйича режани аниқ айтди.
- Ҳар ҳафта битта саволга жавоб беравериш жонимга тегди. Шундай бўлса-да, яна бир бор қайтараман: Килиан клуби билан меҳнат шартномасини тузган. Бундан ҳамма бахтиёр.
ПСЖ бу мавсумда ҳали бирор маротаба мағлубиятга учрагани йўқ. Уй учрашувларига барча чипталар сотилмоқда, - деди Нассер Ал-Хелаифий.
23 ёшли Мбаппенинг амалдаги шартномаси 2025 йилнинг ярмигача тузилган. ПСЖ ҳужумчиси Франция чемпионатида 14 та учрашувда 12 та тўп киритган.
Фикрлар