Мбаппе ПСЖга 300 та гол ташкил қилиб берди

ПСЖ раҳбарияти нега Килиан Мбаппени ҳеч қайси жамоага қўйиб юборишни истамаётганининг ўзига хос сабаблари бор.

Франция чемпионатининг учинчи турида Килиан Мбаппе “Ланс” дарвозасини икки маротаба ишғол қилиб, жамоасининг 3:1 ҳисобидаги ғалабасини таъминлади.

24 ёшли ҳужумчи Париж клубидаги фаолияти бошланган давр – 2017 йилдан бери жамоасига 300 та гол уюштириб берди.

Шу пайтгача Мбаппенинг ўзи 214 та тўп киритди ва жамоадошларига 86 та голли пас узатди.

Шунинг учун ҳам пойтахт клуби хўжайинлари сермаҳсул футболчи фақат  ПСЖда ўйнашини истаяпти.