Мбаппе “Реал” ўйинларини бойкот қилади! Учрашувлар рўйхати аниқ бўлди

“Реал”нинг бугунги кундаги энг зўр ўйинчиси Килиан Мбаппе жорий мавсумда жамоасининг қолган уй учрашувларида иштирок этмаслиги мумкин. Бу ҳақда The Athletic хабар берди.

Манбага кўра, футболчи “Сантьяго Бернабеу”даги учрашувларда майдонга тушишни истамаяпти. Бунга мухлислар томонидан бир неча бор ҳуштакбозлик қилингани сабаб бўлган.

Мбаппе Ла Лиганинг 35-туридан ўрин олган “Барселона”га қарши баҳсни ҳам ўтказиб юборди. Аввалроқ, унинг 24 апрель куни “Бетис”га қарши ўйинда олган жароҳати сабаб майдонга тушмагани айтилган эди.

Бироқ бошқа маълумотларга кўра, француз футболчиси асосий таркибда тушмаслигини билгач, машғулотни тарк этган.

Ҳозирча клубда Мбаппенинг майдонга қачон қайтиши ҳақида аниқ маълумот йўқ.

“Реал Мадрид” мавсум охиригача қуйидаги ўйинларни ўтказади:

• “Овьедо”га қарши — 14 май (уйда);
• “Севилья”га қарши — 17 май (меҳмонда);
• “Атлетик Бильбао”га қарши — 23 май (уйда).