Мбаппе “Реал” ўйнатмаса, қайси жамоага ўтиши ошкор бўлди

Франция терма жамоаси етакчиси Килиан Мбаппе ПСЖ клубида узоқ қолиб кетмоқчи эмас. 24 ёшли ҳужумчи болалигидан “Реал”да тўп тепишни орзу қилади.

Лекин ўтган йилги воқеалардан кейин моҳир ҳужумчининг Мадрид клубига ўтиши осон бўлмайди. Шунга қарамай, Мбаппе захира вариантлари ҳақида ҳам бош қотирмоқда.

Жаҳон футболида Мбаппе трансфери ва унинг хизмат ҳақини кўтара оладиган клублар кўп эмас. Лекин “Челси” буни уддалай олади. Қолаверса, клубнинг янги хўжайини Тодд Бёли машҳур ўйинчиларни олиб келишга қизиқадиган одам.

Килиан “Челси”нинг талабларига тўла жавоб беради. Ҳатто ёши ҳам таркибни ёшартиришга эътибор қаратаётган “аристократлар” тўғри келади. Мбаппенинг дунё бўйлаб миллионлаб мухлислари борлиги “Челси”нинг рекламасида муҳим аҳамият касб этиши айтилмоқда.