Мбаппе “Реал” шартномасини имзоламади

“Пари Сен-Жермен” ҳужумчиси Килиан Мбаппе “Реал” таклиф қилган шартномани ҳали имзолагани йўқ, - деб хабар бермоқда Foot Mercato нашри.

23 ёшли тўпурар қайси жамоани танлаганини Чемпионлар лигасининг нимчорак финалидан кейин эълон қилишини айтганди. Бироқ, мадридликларнинг ғалабаси билан якунланган “Реал” – ПСЖ тўқнашувидан кейин ҳам Мбаппе танловини ошкор қилган йўқ.

Манбанинг таъкидлашича, “Қироллик клуби” франциялик ҳужумчини Мадридга келишидан хотиржам. Парижликлар эса уни катта маош ва турли имтиёзлар билан олиб қолишга уриняпти.

Мбаппе ПСЖда 2017 йилдан бери тўп тепмоқда. Унинг амалдаги шартномаси шу йилнинг июнь ойи охирида якунланади. Килиан жорий мавсумда жами 37 та учрашувда қатнашиб, рақиблар дарвозасини 26 маротаба ишғол қилди ва жамоадошларига 17 та голли пас узатди.