Мбаппе Роналду ҳақида қаттиқ гапирди

Килиан Мбаппе Ла Лиганинг тўртинчи турига келиб, чемпионатдаги голлари ҳисобини очди. Франциялик форварднинг “Бетис” дарвозасига киритган бир жуфт голи мадридликларнинг 2:0 ҳисобидаги ғалабасини таъминлади.

Ўйиндан кейин Килиан Мбаппе кўпчилик уни Криштиану Роналдунинг вориси, деб ҳисоблаётганига муносабат билдирди.

- Криштиану – менинг кумирим, лекин мен унинг вориси бўлиб, ортиқса босимни ҳис қилмоқчи эмасман. Мен шунчаки Килиан бўлишни истайман. Мен фақат ўз номим ва жамоам шарафини муносиб ҳимоя қилиш ҳақида бош қотираман, - деди Мбаппе.

Мбаппе ёзда эркин агент сифатида Мадридга келди. “Қироллик клуби” Килиан билан 2029 йилнинг ярмигача давом этадиган шартнома имзолаган.