Мбаппе Роналду ва Мессининг ворисидир

"Интер Маями" ярим ҳимоячиси Блез Матюиди ПСЖ ҳужумчиси Килиан Мбаппенинг "Олтин тўп"ни қўлга киритиш имкониятларига баҳо берди.

"Килиан асосий номзодлардан бири, шунинг учун Мбаппе бу йил "Олтин тўп"ни қўлга киритиши мумкин. У ёш бўлишига қарамай ажойиб футболчи эканлигини исботлади. Унинг майдонда кўрсатаётган ўйинлари кўпчиликда илиқ таассурот қолдирмоқда ва буни машғулотларда ҳам кўрамиз. Мбаппе бу йил ёки кейинги йил “Олтин тўп”ни қўлга киритиш учун ҳамма нарсага эга. Ўйлайманки, у Месси ва Роналдунинг ҳақиқий ворисидир", - дея Матюидининг сўзларини келтиради "Afrique Sports" нашри.