Мбаппе ва Беллингем "Леганес"га қарши баҳсда майдонга тушадими?

"Реал Мадрид" бош мураббийи Карло Анчелотти клуб футболчилари Жуд Беллингем ва Килиан Мбаппенинг ҳолати ҳақида гапирди.

- Mбаппе бугун машғулотларга қўшилди. Бироқ, эртага у жамоага ёрдам бера олмайди. Беллингем ҳам майдонга тушмайди, унда ҳам гематома бор, - деди Анчелотти.

"Қироллик клуби" эртага Испания кубогининг чорак финали доирасида "Леганес" билан баҳс олиб боради.

Эслатиб ўтамиз, футбол бўйича Испания кубогининг амалдаги соҳиби "Атлетик" Билбао ҳисобланади. "Реал Мадрид" ушбу совринни 20 марта қўлга киритган.