Mbappe va boshqalar. “Real”ning yanvardagi transfer rejalari oshkor bo‘ldi

“Real” qishki transferlar davri uchun rejalariga oydinlik kiritib oldi. Rahbariyat tarkibni sezilarli darajada kuchaytirishga harakat qiladi.

90min nashrining xabar berishicha, madridliklar bir nafar hujumchi, markaziy va chap qanot himoyachi pozitsiyalarini kuchaytirishni mo‘ljallayapti.

Hujum chizig‘iga asosiy nomzod Kilian Mbappeligicha qolmoqda. Zaxira varianti sifatida “Feyenoord” to‘purari Santyago Ximenes ro‘yxatga kiritilgan.

Chap qanotni kuchaytiradigan o‘yinchi sifatida “Bavariya” vakili Alfonso Devis nomi tilga olinmoqda. Madridliklar kanadalik himoyachini anchadan beri kuzatib kelyapti.

Himoya markazida o‘ynay oladigan o‘yinchilar ko‘p. “Real” bu pozitsiyaga “Manchester Yunayted”dagi sobiq futbolchisi Rafael Varan va “Jirona” vakili  Deyli Blindni oligshga harakat qiladi.