Mbappe va Xolandning transferi o‘xshamasa, "Real" va "Barsa" boshqa futbolchi uchun raqobatlashadi. U kim?

"Real" va "Barselona" klublari "Zaltsburg" hujumchisi Karim Adeemiga qiziqish bildirmoqda.

Goal nashrining xabar berishicha, ispan grandlari 20 yoshli hujumchini Kilian Mbappe va Erling Xolandga muqobil sifatida ko‘rib chiqmoqda.

Agar ular bu hujumchilar bilan shartnoma imzolay olmasalar, aynan Adeemi transferi uchun raqobat olib borishadi. Adeemining transferi uning yangi klubiga taxminan 40 million evroga tushishi mumkin.

Ushbu futbolchining xizmatlariga “Borussiya” Dortmund va “Bavariya”ham qiziqish bildirgan.

Avstriya chempionatining joriy mavsumida Adeemi 21 ta o‘yin o‘tkazib, 15 ta gol urdi va 2 ta golli uzatmani amalga oshirdi.