Мбаппе хоин! Унга бошқа имконият берилмайди

“Реал” раҳбарияти ПСЖ билан шартномасини узайтирган ҳужумчи Килиан Мбаппега бошқа ҳеч қачон Мадрид клубига ўта олмаслигини айтди, деб хабар бермоқда журналист Томас Гонсалес Мартин ўзининг твиттер саҳифасида.

Манба берган хабарга кўра, “қироллик клуби” Мбаппенинг ПСЖ билан шартномасини узайтирганини хоинлик деб ҳисобламоқда, чунки у аввалроқ "Реал"га ўтишга ваъда берган.

Эслатиб ўтамиз, 23 ёшли Мбаппе Париж клуби билан шартномасини 2025 йилнинг ёзига қадар узайтирди. ПСЖ бунинг учун футболчига 300 миллион евро бонус тўлайди. Бундан ташқари, Мбаппенинг маоши йилига 100 миллион еврога етади.