Мбаппе ёки Холанд? "Реал" кимни сотиб олиши керак?

"Реал"нинг мексикалик афсонавий собиқ ҳужумчиси Уго Санчес “Қироллик клуби” президенти Флорентино Пересга ҳужумчилар Килиан Мбаппе ва Эрлинг Холанд билан шартнома имзолаш борасида берган маслаҳатлари ҳақида гапирди.

"Мбаппе ёки Холанд? Мен Флорентино Перес билан гаплашдим, у ҳам мендан худди шу нарсани сўради. Мен улар (Мбаппе ва Холанд) дунёнинг энг зўрлари эканлигини, иккаласи ҳам "Реал"га ўтиши кераклигини айтдим", - деди мексикалик футболчи.

Мбаппенинг парижликлар билан шартномаси шу мавсум охирида тугайди ва у "Реал"га эркин агент сифатида текинга кўчиб ўтиши мумкин. Холанд учун, ОАВ хабарларига кўра, бир нечта клублар, жумладан, "Реал " ҳам кураш олиб бормоқда.