Мбаппе Зидан билан гаплашиб олди, у "Реал"га ўтишга тайёр

ПСЖ клуби ҳужумчиси Килиан Мбаппе "Реал" Мадрид бош мураббийи Зинедин Зидан билан шахсан гаплашди. Бу ҳақда El Chiringuito нашри хабар бермоқда.

Унга кўра 20 ёшли француз ҳамюрти билан бўлган суҳбат давомида келаётган ёзда “қироллик клуби”га кўчиб ўтишга тайёрлигини билдирган. Бунинг учун у хатто ПСЖ раҳбариятидан ўзини Мадридга қўйиб юборишларини ҳам сўрамоқчи.

Эслатиб ўтамиз, бундан аввалроқ “Реал” Мбаппе учун 280 млн евро таклиф қилишга тайёрлиги, футболчи эса мадридликлардан йилига 15 млн евро маош талаб қилаётгани ҳақида хабарлар тарқалган эди.