Мбаппеда жароҳат билан боғлиқ муаммо йўқ

ПСЖ футболчиси Килиан Мбаппе бугун Мадридда машғулот жараёнида иштирок этди. У "Реал"га қарши муҳим баҳсга қизғин тайёргарлик кўрмоқда. 

Аввалроқ чиққан хабарларга кўра, Мбаппе машғулотлар пайтида жиддий жароҳат олганди. Бироқ кўриниб турибдики, унинг аҳволи жуда оғир даражада эмас. 

Франциялик иқтидор соҳиби "Реал" билан ўйинни асосий таркибда бошлаши кутилмоқда. Бу ҳақда "RMC Sport" нашри хабар берди. 

Маълумот ўрнида, Килиан Мбаппе жорий мавсум ЕЧЛнинг 7 баҳсида 5 гол ва 6 ассист муаллифига айланган.