Мбаппедан ПСЖга яна бир зарба

ПСЖ раҳбарияти ва Килиан Мбаппе ўртасида футболчининг келажаги масаласида юзага келган зиддият борган сари кучайиб бормоқда.

Таниқли журналист Бен Жейкобснинг маълум қилишича, ПСЖ раҳбариятининг Килиан Мбаппени жамоада олиб қолиш учун яна бир ташаббуси 24 ёшли ҳужумчи томонидан рад этилди.

Парижликлар бу гал Мбаппега янгича шартнома бериб, унда келаси йил ёзда ўйинчини сотиб юбориш мажбурияти тўғрисидаги бандни ҳам киритган эди. Бу шартнома Мбаппе текинга қўлдан чиқиб кетмаслигини кўзлаб, таклиф этилди.

Мбаппе клубнинг бу таклифини ҳам қабул қилмади. Килиан фақат “Реал”га ўтмоқчи. Мадридликлар уни келаси йил ёзда эркин агент сифатида келишини истаяпти.