Мбаппега қарам эмасмиз!

ПСЖ марказий ҳимоячиси Преснел Кимпембе жамоа етакчиси Килиан Мбаппе ҳақида фикр билдирди.

24 ёшли ҳужумчи жароҳат туфайлик парижликларнинг сўнгги уч учрашувида қатнашмади. Жамоа “Тулуза”ни 2:1 ҳисобида қийинчилик билан енгиб, “Марсель” (1:2) ва “Монако”га (1:3) имкониятни бой берди.

- Жамоа Мбаппега қарамми: Биз бир жамоамиз. Мбаппе нафақат жамоанинг, балки бутун бир лойиҳанинг  муҳим ўйинчиси бўлиши мумкин, лекин учрашувда 11 та футболчи бошланғич таркибда майдонга тушади ва захирадагилар ҳам ёрдам беради. Ҳозир биз Килиансиз ўйнашимиз керак ва буни тўғри қабул қиламиз, - деди Кимпембе.

Аввалроқ, жамоа бош мураббийи Кристоф Галтье Килиан Мбаппе Европа Чемпионлар лигаси доирасида “Бавария”га қарши Парижда бўладиган учрашувда ҳам қатнаша олмаслигини маълум қилган эди.