Мбаппени оладиган жамоа топилди

ПСЖ ҳужумчиси Килиан Мбаппе клубни тарк этишни режалаштирмоқда. Парижликлар унга 400 миллион евро нарх белгилаган. Табиийки, бу нархга уни ҳеч ким олмайди.

Мбаппенинг ўзи клубдан шартномасини сотиб олмоқчи. Шундай қилса, у эркин агентга айланади ва истаган жамоасига ўтиши мумкин.

- “Манчестер Сити” ўтган ёз Эрлинг Холандни қўлга киритганига қарамай, Килиан Мбаппени ҳам ўз сафига қўшиб олиш имконига эга, - деб хабар тарқатди Marca нашри.

Аслида ҳужум чизиғида Холанд ва Мбаппе тандемини ўйнатиш, “Реал”нинг ғояси эди. Эрлинг мадридликлар сафида Карим Бензема борлиги учун Англияга кетишни маъқул кўрди. Мбаппе эса, катта пул эвазига ПСЖда қолишни маъқул кўрди.

Мбаппе атрофидаги вазият тобора қизғин тус олмоқда.