Мбаппени трансфер қилмаймиз!

Европа Чемпионлар лигаси ғолиби “Манчестер Сити” бош мураббийи Хосеп Гвардиола жамоасига Килиан Мбаппе керак эмаслигини таъкидлади.

Аввалроқ, 24 ёшли ҳужумчи ПСЖ билан шартномасини узайтирмаслигини эълон қилганидан кейин клуб уни сотиб юборишга киришган эди. Мутасаддилар Мбаппени бир неча жамоага таклиф қилгани ҳақида маълумотлар тарқатилди.

Хосеп Гвардиола бу борада қуйидагича фикр билдирди.

- Биз Килиан Мбаппени трансфер қилмаймиз. У “Манчестер Сити”га ўтмайди. Ҳаммангиз у қайси жамоага бормоқчи эканини билиб турибсиз-ку, - деди Хосеп Гвардиола.

Дарҳақиқат, Килиан Мбаппе анчадан бери “Реал”га ўтишни истаётгани ҳақида кўп маълумот тарқатилмоқда.