Мбаппени хоинликда айблаган суперклуб ундан буткул воз кечди

“Реал” раҳбарияти келажакдаги трансферлар режасидан ПСЖ ҳужумчиси Килиан Мбаппени чиқариб ташлади. “Қироллик клуби” франциялик ҳужумчини хоин, деб ҳисобламоқда. Бу ҳақда El Debate нашри хабар тарқатди.

Манбанинг таъкидлашича, “Реал” раҳбарияти Мбаппе мадридликларнинг унга бўлган қизиқишидан ПСЖдаги маошини ошириб олиш йўлида фойдаланганини янги англаб етган.

Маълумки, ўтган мавсум охирида кўпчилик ёш ҳужумчининг Мадридга келишини кутганди. Лекин парижликлар унга рекорд даражада маош таклиф қилганидан кейин Килиан Парижда қолишга қарор қилди.

Бундан ташқари, мадридлик мухлислар ўзларини алданган ҳис қилмоқда ва Мбаппе “Реал”га келган тақдирда ҳам уни қабул қилишни исташмайди.