Мбаппенинг гапи “Реал”ни довдиратиб қўйди

“Реал” интизорлик билан кутаётган ПСЖ ҳужумчиси Килиан Мбаппе келажаги борасидаги қарашлари билан ўртоқлашди.

Гарчи кўпчилик франциялик футболчининг Мадридга кўчиб ўтиши ҳал қилинган масала эканини таъкидлаётган бўлса-да, Мбаппе буларнинг барини инкор қилмоқда.

- Мен келажагим борасида бир қарорга келганим йўқ. Бунда Чемпионлар лигасида “Реал” қарши тўқнашув муҳим аҳамият касб этади. Ҳозир бўлажак рақиб билан ҳеч қандай музокара ўтказаётганим йўқ. Кейинчалик ҳаммаси ойдинлашади, - деди Килиан Мбаппе.

Чемпионлар лигасида ПСЖ ва “Реал” ўзаро икки марта куч синашади. Биринчи беллашув 15 февралга белгиланган бўлса, жавоб баҳси 9 март куни ўтказилади.