Мбаппенинг ишига Франция президенти аралаша бошлади

Франция президенти Эммануэль Макрон ПСЖ юлдузи Килиан Мбаппени жамоада қолишга кўндиришга ҳаракат қилмоқда.

RTL France нашрининг хабар беришича, Макрон доимий равишда 23 ёшли футболчи билан алоқани ушлаб турибди. У ёш юлдуздан ПСЖ билан шартномани узайтиришни сўраяпти.

Мбаппе мавсум охирида эркин агентга айланади. Унинг олдидаги вариантлар орасида парижликлар билан келишувни узайтириши ёки “Реал”га ўтиб кетиши кўп муҳокама қилиняпти.

Ҳар икки клуби бу ўйинчига эга бўлиш учун мисли кўрилмаган молиявий имкониятларни тақдим этишга тайёр. Бироқ, Мбаппенинг ўзи қайси клубни танлашини айтганича йўқ ва вақтни чўзиб юрибди.