Мбаппенинг "жойи"ни кўрсатиб қўйишди!

ПСЖ бош мураббийи Кристоф Галтье жамоанинг асосий юлдузи Килиан Мбаппенинг жамоадаги мавқеи ҳақида фикр билдирди.

- Мен Мбаппе лойиҳамизнинг тимсоли, деганимда у клубдан устун эканини назарда тутмайман, - деди Кристоф Галтье.

Таъкидлаш жоизки, кейинги пайтда 23 ёшли ҳужумчи клуб раҳбарияти ва айрим жамоадошлари билан кўп зиддиятга бормоқда. Таҳлилчилар бу ҳолатни футболчи ўзини клубдан устун қўётгани билан изоҳлаяпти.

Килиан Мбаппе жорий мавсумда 20 та учрашувда майдонга тушиб, рақиблар дарвозасини 19 маротаба ишғол қилди ва жамоадошларига бешта голли узатма берди.