Мбаппенинг "Реал"га келиши "қироллик клуби" футболчиларининг жамоадаги фаолиятига таъсир кўрсатадими?

Мадриднинг “Реал” клуби раҳбарияти ҳозирда ПСЖда тўп сураётган ҳужумчи Килиан Мбаппе билан шартнома имзолаш учун жамоанинг амалдаги футболчиларидан бирортаси билан хайрлашмоқчи эмас. Бу ҳақда Relevo хабар бермоқда.

Манба берган хабарга кўра, "қироллик клуби" мураббийлар штаби қисқа, ўрта ва узоқ муддатли истиқболда клубнинг асосий таркибидан жой олган барча футболчиларга умид боғламоқда.

Қолаверса, сўнгги йилларда “Реал”да футболчилар билан шартнома имзолаш учун иқтисодий тизим яратилди, бу уларга жамоанинг мавжуд ўйинчиларини сотмасдан Мбаппе билан меҳнат шартномасини тузиш имконини беради.

Эслатиб ўтамиз, аввалроқ ОАВда франциялик ҳужумчи “Реал” билан 5 йиллик шартнома имзолагани ҳақида хабарлар тарқалган эди.