Меҳди Маҳдавикия: "Ўзбекистон ёш ва кучли таркибга эга"

Ўзбекистон U-23 ҳамда Эрон U-23 терма жамоалари ўртасидаги беллашувдан (1:1) сўнг, Эрон олимпия терма жамоаси бош мураббийи Меҳди Маҳдавикия матбуот анжуманида биринчи бўлиб иштирок этди.

Бугун яхши ўйин ўтказдик, аммо мусобақага ёшроқ таркиб билан келганимиз сезилди. Рақиб жамоа сафидаги 20 рақамдаги футболчи менда илиқ таассурот қолдирди.

Бугун ғалаба қозонишга ҳаракат қилдик, аммо кўрганингиздек, тўп даровза тўрига киришни истамади. Баъзида, футболда шундай ҳам бўлиб туради. Афсуски, таркибиздаги барча футболчилар ҳам Эрон чемпионатида тўп сурмайди.

Эътиборлиси шундаки, Ўзбекистон U23 ёш ва жуда кучли таркибга эга экан. Қатар эса, турнирда тажрибалироқ футболчилар кўпроқ суянди. Туркманистон ҳам келажакни ўйлаб ёшроқ футболчиларга ишонч билдирди.
Асл мақсадимиз Олимпиядага йўлланма олиш. Мусобақа биз учун улкан тажриба бўлди. Ҳал қилувчи биринчиликда бор имкониятимизни ишга солишга ҳаракат қиламиз.