Мексикалик мухлис терма жамоаси муваффақиятсизликка учрагач, телевизорни "пичоқлади" (видео)

Жаҳон чемпионати - бу энг кучли, назоратсиз туйғулар. Буни интернетда пайдо бўлган турли видеолар ҳам тасдиқлайди.

Ана шундай лавҳалардан бири Мексика жаҳон чемпионатини тарк этгач пайдо бўлди. Унда мексикалик мухлиснинг ўз миллий жамоаси муваффақияцизлигига нисбатан ғазабланган муносабати акс этган. Аввалига йиғлаб юборган одам телевизорни муштлари билан ура бошлади, лекин кейин бунга ҳам қаноатланмай, пичоқни олиб, телевизор экранига бир неча марта зарба берди.

Эслатиб ўтамиз, Мексика терма жамоаси гуруҳ босқичининг сўнгги турида Саудия Арабистонига қарши (2:1) баҳс олиб борди ва қўшимча дақиқаларда ўтказиб юборилган гол эвазига мундиал билан хайрлашди.