Мен “Барса” хўжайинига ёқмайман!

“Барселона”нинг собиқ бош мураббийи Рональд Куман клуб президенти Жоан Лапорта уни кетказиш учун ишлаганини ошкор қилди.

- Мен Лапортага ёқмайдиган мураббийман. Бошидан буни сезгандим. Юқоридан қўллаб-қувватлашларни ҳис қилганим йўқ.

Мен учун пул асосий омил эмас. “Барселона”да мураббий сифатида натижа кўрсатиш учун қўлимдан келганини қилмоқчи эдим. Лекин кейинчалик Лапорта мендан қутилмоқчилигини тушуниб қолдим, чунки мени у тайинламаган эди.

Лапорта менга Хавини тажрибаси етишмаслиги учун бош мураббий қилмаслигини минг марта айтган. Унга яшириниш учун қалқон керак эди холос, - деди Рональд Куман.

Куман каталонияликларни 2020 йилнинг августида қабул қилиб олганди. Унинг қўл остида жамоа Испания кубогини ютди, чемпионатда бронза медалга сазовор бўлди. Нидерландиялик мураббий 2021 йилнинг октябрида истеъфога чиқарилди.