Мен Конор Макгрегорни нокаут қилардим

Бразилиялик UFC жангчиси Карлос Пратес икки вазн тоифасида UFC собиқ чемпиони Конор Макгрегор билан ўзаро жанг ҳақидаги миш-мишларни рад этди.

"Кўпчилик Конор билан жанг ҳақида сўради, бироқ мен ҳали UFC дан ҳеч нарса эшитмадим. Албатта, Макгрегорга қарши октагонга чиқиш катта шараф. Аммо ҳозир чемпионликка яқинлаштирадиган жангни хоҳлайман, масалан, Жек Делла Маддалена билан. Ростини айтсам, ирландга қарши тўқнашув эҳтимоли юқори деб ўйламайман, чунки Конор беш йилдан бери жанг қилмаган. Агар қайтса ҳам, мен уни нокаутга учратардим. Шу боис суперюлдуз учун бундай қайтиш тўғри эмас", – дея Карлоснинг сўзларини келтирди "ММА Junkie".

Эслатиб ўтамиз, Пратес охирги жангида Леон Эдвардсни 2-раундда нокаутга учратган. Конор эса Дастин Порьедан 2-раундда техник нокаут эвазига мағлуб бўлганди.