“Реал”да ўзини кўрсата олмаган Лука Йович мавсумни ижара асосида Бундеслига вакили “Айтрахт” жамоаси сафида якунлади.

Айни пайтда “Қироллик клуби” ПСЖдан Килиан Мбаппени олиш учун маблағ топиш мақсадида олти футболчини сотиб юбормоқчи. Улар орасида сербиялик ҳужумчи ҳам бор. Бироқ, Лука Йович янги бош мураббий Карло Анчелотти қўл остида асосий таркибга кириш учун курашмоқчи.

23 ёшли футболчи бу гал ижарага кетишга ҳам кўнмаяпти ва италиялик бош мураббийнинг ишончини қозона олишини таъкидламоқда.

Карло Анчелотти “Наполи”да ишлаган вақтида Лука Йовичга харидор бўлган. Мутахассисларнинг фикрича, янги мураббий ҳужумчи ўзини кўрсатиши учун унга етарлича имкон беради.