Men uchun u zo‘r futbolchi emas!

“Liverpul”ning sobiq futbolchisi Grem Suness “Manchester Siti” futbolchisi Jek Grilishni keskin tanqid qildi.

Xosep Gvardiola jamoasi bu futbolchini olish uchun o‘tgan yili “Aston Villa”ga 120 million evro to‘lagan edi. Grilish “shaharliklar” tarixidagi eng qimmat transfer va Angliya premer-ligasi tarixidagi eng qimmatbaho o‘yinchi hisoblanadi.

- Grilishni zo‘r futbolchi deyolmayman. Men unga qaraganimda, ikki mavsum oldin “Aston Villa”da o‘ynagan Jekni ko‘raman xolos, - dedi Grem Suness.

Mutaxassislar Jek Grilish jamoasini o‘zgartirib, Manchesterga ko‘chib o‘tganidan keyin o‘yinida keskin pasayish kuzatilayotganini ta’kidlamoqda.