"Менда 5 та ЕЧЛ кубоги бор" — Роналду “Ал-Аҳли” мухлисларига жавоб қайтарди

“Ан-Наср” ҳужумчиси Криштиану Роналду “Ал-Аҳли” мухлисларига ўзининг Чемпионлар лигасидаги ютуқларини эслатди.

Саудия чемпионатининг 30-турида “Ан-Наср” “Ал-Аҳли”ни 2:0 ҳисобида мағлуб этди. Ушбу ўйинда Роналду фаолиятидаги 970-голини урди.

Учрашувдан сўнгги интервью пайтида “Ал-Аҳли” мухлислари трибуналардан ўз жамоасининг Осиё Чемпионлар лигасидаги кетма-кет икки ғалабасини эслатишди.

Шунда Роналду: “Менда 5 та Чемпионлар лигаси бор”, — деб жавоб берди ва буни ишоралар билан ҳам кўрсатди.

Маълумот учун,, португалиялик футболчи Чемпионлар лигасида бир марта “Манчестер Юнайтед”, тўрт марта эса “Реал Мадрид” билан ғолиб чиққан.