Мени Месси билан таққослаш аҳмоқлик!

“Барселона” ярим ҳимоячиси Педри Европа лигаси нимчорак финали жавоб учрашувида “Галатасарой” дарвозасига супергол урди. Журналистлар истеъдодли футболчини “Барса” афсонаси Лионель Месси билан таққослади. Педри эса бунга эътироз билдирди.

- Месси бундан анча зўр голларни урган. Мени Лео билан таққослаш аҳмоқлик. Ҳаммаси майдонда ҳал бўлади. Бу гал омадим чопди, - деди Педри журналистларга.

“Барселона” икки ўйин натижасига кўра, “Галатасарой” тўсиғидан ўтиб, чорак финал йўлланмасига эга бўлди.

Педри жорий мавсумда каталонияликлар сафида жами 17 та учрашув ўтказиб, рақиблар дарвозасига учта тўп киритиб, битта голли пас узатди.