Мертенс мавсум якунлангач "Наполи"дан кетмоқчи

"Наполи" клуби форварди Дрис Мертенс мавсум якунлангач жамоадан кетмоқчи. Бу ҳақда La Repubblica нашри хабар тарқатмоқда.

Таъкидлаш лозимки, 32 ёшли бельгиялик футболчининг неаполликлар билан амалдаги шартномаси 2020 йилнинг ёзида ўз ниҳоясига етади. Ҳозирча клуб унга келишувни узайтиришни таклиф қилмади.

Эслатиб ўтамиз, бундан аввалроқ Мертенсга “Андерлехт” ва Хитой клубларидан қизиқишлар мавжудлиги ҳақида хабарлар тарқалган эди.

Маълумот учун, Мертенс “Наполи” сафида 2013 йилдан буён тўп суриб келмоқда. У жорий мавсум А Сериянинг 2 та турида ўз ҳисобига 1та гол ҳамда 1та голли узатма ёздириб қўйишга эришди.