Мертенсни сотиб олишни истаган Хитой клублари “Наполи”га кўпроқ пул тўлайдиган бўлди
Ads

“Наполи” клуби ўзининг белгиялик вингери Дрис Мертенс билан амалдаги шартномани узайтиришга яқин турибди. Унга кўра Мертенснинг компенсация суммаси Хитой клублари учун 50 миллион евро, қолган барча жамоалар учун эса 35 миллион еврони ташкил этади. Бу ҳақда Sky Sport хабар бермоқда.

29 ёшли футболчининг неаполликлар билан амалдаги шартномаси 2018 йилда ўз ниҳоясига етади. Янги келишувга кўра Мертенс “Наполи” билан 2020 йилга қадар шартномани узайтиради.

Маълумот учун, бельгиялик форвард ушбу мавсум “Наполи” сафида жами 23та ўйинда иштрок этиб, ўз ҳисобига 15та гол ёздириб қўйишга эришган.

Айтиш керакки Мертенс ўтган мавсум якунларига кўра Бельгиянинг 2016 йилдаги энг яхши футболчиси деб топилган эди.