Месси - энг ёмон ўйинчи!

Франциянинг L’Equipe нашри кеча УЕФА Чемпионлар лигаси 1/8 финалидан ўрин олган ПСЖ - "Реал" (1:0) учрашувида майдонга тушган футболчиларга қўйилган балларини эълон қилди.

Эътиборлиси, кечаги баҳсда қатнашган футболчилар орасида Лионель Месси энг паст баҳога муносиб кўрилди. Аргентиналик юлдузга 10 очколик баҳолаш тизимида бор йўғи 3 балл қўйилган. Ўйиндаги ягона голга муаллифлик қилган Килиан Мбаппе эса 8 балл олган.

"Реал" сафида энг яхши баҳони дарвозабон Тибо Куртуа (8) олди, энг ёмонини эса ҳимоячи Дани Карвахаль (2).

Эслатиб ўтамиз, Месси кечаги ўйинда пенальтини аниқ амалга ошира олмади.