Месси, Мбаппе ва Неймарни таққослашди

ПСЖ бош мураббийи Кристоф Галтье жамоа ҳужум учлиги – Лионель Месси, Неймар ва Килиан Мбаппе ҳақида фикрларини билдириб ўтди.

Тажрибали мутахассис ўз шогирдларини профессионал эканини таъкидлади.

- Мбаппе, Неймар ва Мессининг ёши ва характери ҳар хил. Лекин уларни ҳозир самимият бирлаштириб турибди. Учаласи ҳам буюк ўйинчилар. Улар бир бири учун ўйнаб, катта ютуқларга эришади, - деди Кристоф Галтье.

Аввалроқ, Мбаппе ва Неймар ўртасида зиддият келиб чиққанди. Франциялик футболчига Неймарнинг жамоа ичида таъсир кучи ортиб бораётгани ёқмаган. Бразилиялик юлдуз эса ёш ҳамкасбини худбинликда айблар келаётган эди.