Месси, Неймар ва Мбаппе ҳақида...

“Пари Сен-Жермен” бош мураббийи Кристоф Галтье Франция чемпионатида “Тузула” устидан қозонилган ғалабадан кейин ҳужум учлиги – Лионель Месси, Неймар ва Килиан Мбаппени мақтади.

- “Монако”га қарши учрашувда икки очко йўқотганимиздан кейин “Тулуза” билан ўйиннинг аҳамияти ошиб кетди. Қийин бўлишини билардик. Чунки рақиб яхши шаклланган жамоа.

Месси иккита голли пас берди. Неймар клуб учун 109-голини урди. Килиан ўз номини таблога ёздирди. Бу учрашувда биз учун кўплаб ёқимли жиҳатлар намоён бўлди.

Мавсум бошида ҳимояда муаммолар кўзга ташланган эди. Ҳозир бу камчиликлар тўлиқ бартараф қилинди, - деди Кристоф Галтье.