Месси, Роналду ва Неймар ФИФАнинг йил терма жамоасидан ўрин олиши мумкин

Халқаро футбол ташкилоти – ФИФА 2016 йилнинг рамзий терма жамоасига номзод футболчилар рўйхатини эълон қилди. Бу ҳақда ташкилотнинг матбуот ҳизмати хабар тарқатди.

Эслатиб ўтамиз, йил терма жамоаси 1та дарвозабон, 4та ҳимоячи, 3та ярим ҳимоячи ва 3та ҳужумчидан иборат бўлади. Айтиш керакки, овоз беришда 75та давлатдан 25 мингдан ортиқ профессионал футболчилар иштирок этишади.

Маълумот учун, рамзий терма жамоага номзод 55та футболчи орасидан Лионель Месси ("Барселона"), Криштиану Роналду ("Реал"), Неймар ("Барселона"), Жанлуиджи Буффон ("Ювентус"), Филипп Лам ("Бавария") ва Серхио Агуэро ("Манчестер Сити") каби футболчилар жой олишган.

Йилнинг рамзий терма жамоаси ҳар доимгидек 9 январь куни Швейцариянинг Цюрих шахрида ФИФАнинг тантанали маросимида маълум бўлади.