Месси, сен ПСЖга керакмассан!

ПСЖнинг собиқ футболчиси Жером Ротен жамоа етакчиси Лионель Мессини кескин танқид қилди. Ротенга парижликларнинг Чемпионлар лигаси нимчорак финалида “Бавария”га ютқазиб, мусобақани тарк этгани ёқмади.

- Месси, сен бизга керак эмассан. Лео клуб учун бор кучини бермаяпти. Уни клубга мослашиб олгани ҳақидаги интервьюсини кўрдим.

Лекин  сен нимага мослашдинг? Буни қаердан билдинг? Бу мавсум “Анже” ва “Клермон”га ўхшаган жамоаларга қарши учрашувлардаги 18 та голинг ва 16 та ассистингни пеш қиляпсанми?

Муҳим учрашувларда Месси йўқолиб қоляпти. Нега у жаҳон чемпионатидагидек ўйнамаяпти? Ўшанда қандай зўр ўйнай олишини ҳамма кўрдику.

ПСЖ Месси қаршисида тиз чўкди, унга катта маош берди. Чунки ҳамма у бизга ғалаба келтиришига ишонди. Лекин бундай эмас. Биз ҳеч нарса ютолмаймиз, - деди Жером Ротен.