“Барселона” форварди Лионель Мессининг 2017 йилда клуб билан янги шартнома имзолаганидан буён қанча солиқ тўлагани маълум бўлди.

Яқинда El Mundo нашри аргентиналик футболчи ва Каталония клуби ўртасида имзоланган шартнома бандларини ошкор қилган эди. Унга кўра, Месси 4 йиллик шартнома муддати давомида “Барселона”дан жами 555 237 619 евро ишлаб олиши кўзда тутилган.

Каталониянинг El Periódico de Catalunya нашри Месси 2017 йилдан буён давлат ғазнасига жами 370 млн евро солиқ тўлагани ҳақида маълум қилди. Уларнинг 275 миллиони даромад солиғидир. Шунингдек, футболчи имиж ҳуқуқлари ва реклама шартномалари учун ҳам алоҳида солиқ тўлайди ва бу умумий солиқларнинг 15 фоизини ташкил қилади.