Месси 2026 йилги жаҳон чемпионатида қатнашмаслиги мумкин

“Интер Майами” ҳужумчиси Лионель Месси 2026 йилги жаҳон чемпионатида қатнашиши ҳақидаги саволларга жавоб берди.

- Навбатдаги жаҳон чемпионатида қатнашаманми? Ўша пайтда ёшим ўтиб қолган бўлишини инобатга олиб, мундиалда ўйнашим қийин масала. Лекин ҳаммасини вақт кўрсатади, - деди Лионель Месси.

36 ёшли футболчи 2022 йили Қатар мезбонлик қилган мундиалда Аргентина терма жамоаси билан жаҳон кубогини қўлга киритган.

Айнан футбол аламидаги энг нуфузли мусобақадаги ғалаба аргентиналик юлдузга фаолиятидаги саккизинчи “Олтин тўп”ни келтирди.

Месси Аргентина терма жамоасида 2005 йилдан бери ўйнаб келмоқда. У жами 178 та учрашувда қатнашиб, ўз ҳисобига 106 та гол ёздириб қўйган.