Месси “Барса”да қоладиган бўлди! Унинг фикри нега ўзгарди?

Испаниянинг машҳур нашри Marca журналистларининг ёзишича, Лионель Месси Каталонияда яна бир мавсум қолиб, шартномаси шартларини охирига етказиб қўйишга қарор қилган.

Клуб раҳбариятининг ўз позициясида қатъий тургани ва футболчини кетказмаслик учун жиддий курашгани аргентиналик юлдузнинг ўз қарорини ўзгартиришга мажбур бўлишининг биринчи сабаби сифатида айтилмоқда.

Айниқса, Бартомеу футболчининг отаси Хорхе Месси билан бўлган учрашувда клуб позицияни яхшигина тушунтирди. Леонинг олдида судга мурожаат қилишдан бошқа имкон қолмади. Футболчи эса, судма-суд юргандан кўра, яна бир мавсум чидаб беришни маъқул кўрди.

Гарчи, Лионель Месси янги мавсумни “Барселона” таркибида ўтказса-да, ҳали янги шартнома бўйича томонлар қандай йўл тутиши мавҳумлигича қолмоқда.