Месси "Барселона"дан бир трансферни амалга оширишни сўраган, бироқ...

2021 йилда "Барселона"дан кетишидан бироз олдин Лионель Месси клубдан битта ўйинчини трансфер қилишни сўраган экан. Бу ҳақда "Mundo Deportivo" журналистига асосланиб, "Goal" нашри хабар бермоқда.

Ҳужумчи каталонияликлар унинг ватандоши - Кристиан Ромерони сотиб олишларини хоҳлаган. Ўша пайтда Ромеро "Аталанта"да ўйнаётган ва 2020-2021 йилги мавсумда А Сериянинг энг яхши ҳимоячиси деб тан олинган эди. Аммо Мессининг илтимоси эътибордан четда қолган.

Эслатиб ўтамиз, Месси 2021 йилнинг ёзида ПСЖ билан шартнома имзолаган эди. "Барселона" молиявий қийинчиликлар сабабли аргентиналик футболчини сақлаб қололмаган. Кристиан Ромеро ҳозирда "Тоттенхэм"да тўп тепмоқда. У Европа Лигасининг 2024-2025 йилги мавсумида энг яхши футболчи деб топилди.