Месси бошқа сайёрадан!

Аргентиналик машҳур ҳимоячи Хавьер Маскерано “Барселона”даги собиқ жамоадоши ва ҳамюрти Лионель Месси ҳақида гапирди.

“Ҳар доим Лео ҳақида гапирганда, бир хил гапларни айтаман. Футболда қарор қабул қилиш ва ижро этиш маҳорати муҳимдир. Аксарият футболчилар тўғри қарор қабул қилишади, лекин майдонда уни амалга ошира олишмайди. Месси эса иккаласига ҳам қодир. Худди шу нарса у ўйнайдиган тезликка ҳам тегишли. Месси бошқача.

Бундан ташқари, Месси ўйинни қандай назорат қилишни билади ва бунинг ортидан ўйин давомида камида 8-10 та вазият яратади. Месси ўзга сайёрадан”, - дейди Маскерано.